Gleraugnaglámar

Já það má eiginlega segja það að við mæðgur séum gleraugnaglámar og það eru sko útgjöld í sambandi við það , þannig er nefnilega að við mæðgur allt svo ég, Fjóla og Anna Lísa fórum allar í sjónmælingu sl. föstudag og vitanlega hafði sjónin versnað hjá okkur öllum, Anna Lísa er komin með að mig minni -2,25 og er með sjónskekkju á vinstra auga, Fjóla hafði eitthvað versnað a.m.k. nóg til þess að hún þarf ný gler í gleraugun sín , enda var hún búin að tala um það í allt haust að hún væri hætt að sjá nógu vel upp á töflu í skólanum en hún er ef ég man rétt -1 og -0,75 og sjónskekkju á báðum augum, nú ég þarf vitanlega að vera öðruvísi en allir aðrir, eða eins og hún sagði sú sem mældi sjónina hjá okkur, "vinstra augað er bara í hakki" gaman að heyra það, en það er a.m.k. verra augað enda er ég með einhverja sjónskekkju á því og svei mér þá ef ég er ekki nærsýn á öðru og fjærsýn á hinu (og biti aftan hægra eins og pabbi segir hahahahahahahaha ).  En hvað um það þetta þýddi vitanlega heilmikil útgjöld fyrir mig, en ég lánaði Önnu Lísu helminginn í linsunum hennar en pakki með 3 mán. linsum kostar tæpar 6000 kr. en svo borgaði ég sjónmælinguna fyrir Fjólu og mig vitanlega en það kostaði 3200 kr. eða 1600 kr. á mann svo þurfti ég að borga glerin fyrir mig og Fjólu en hennar gler kostuðu rúmar 13000 kr. og mín eitthvað 22 eða 23000 kr. svo alltaf þarf maður að borga eitthvað.  Nú svo eru vitanlega jólin að koma og er ég búin að kaupa slatta af jólagjöfum, byrjaði reyndar í september að kaupa þær svo þetta týnist allt smátt og smátt saman og útgjöldin aukast smátt og smátt eftir því sem nær dregur jólum .  Nú svo er ég að fara í próf á fimmtudaginn og er mér ekkert að ganga að muna það sem ég er að lesa fyrir það en þetta er enn eitt lyfjafræðiprófið verður núna prófað úr Húðlyfjum og Geðlyfjum og jafnvel eitthvað úr hjartalyfjum, ég held bara að ég endi á geðlyfjum fyrir lokaprófið, a.m.k. held ég að mér veiti ekki af einhverju róandi og kvíðastillandi fyrir lokaprófið í lyfjafræði, þetta er ekki neitt smá magn sem maður verður að læra í þessu fagi, að mínu mati langt út fyrir það sem ég sem sjúkraliði þarf að kunna.  En nú læt ég gott heita, held að ég fari að druslast í bólið en kl. að verða 12 á miðnætti, svona er þetta þegar maður er á kvöldvakt, aldrei farið að sofa á skikkanlegum tíma he he . 

Ég á frí jeij

Já ég á sko frí í dag svei mér þá  enginn skóli og engin vinna, ég man bara ekki hvenær ég átti frí heilan sunnudag síðast, en ég hef sko notið þess, svaf alveg til kl. 10:30 í morgun en það hefur nú ekki gerst heldur í langan tíma að ég hafi sofið svona lengi frameftir en síðan fór ég í messu með Tinnu kl. 11 en hún er nú alveg að vera búin að ná sér í þessa 10 stimpla sem hún þarf að hafa, vantar bara einn en en hann þarf hún að hafa á aðventunni.  Nú síðan eftir messu skutlaði ég skottunum mínum í sund í sundhöll Reykjavíkur og reyndar var Davíð frændi þeirra með þeim en hann var víst í bænum þessa helgina, fór svo og sótti mömmu og við skruppum í Kringluna, skröltum þar um í góða stund, skruppum á kaffihús og skoðuðum í búðir, en fór síðan og sótti krakkana aftur enda kominn tími á Davíð þar sem hann var víst að fara norður aftur, skutlaði svo mömmu heim og fór í búð og síðan út á Geirsnes með Lappa minn og svo heim.  Núna er ég búin að sitja við tölvuna dágóða stund og gera Exel verkefni B fyrir UTN tímann og reyndar búin að senda það til kennarans, svo að því verkefni er lokið allt svo Exelverkefni A sendi ég í síðustu viku og núna er B-verkefnið líka búið.  Nú svo á ég von á Önnu Lísu minni í mat og ætlum við að hafa pítu sem er bara fínt, en núna er ég að hugsa um að setjast niður og sauma út, þetta hefur skotgengið hjá mér að sauma út, er búin alveg með neðri myndina og er byrjuð á efri partinum svo að það fer að koma að því að sauma þetta saman og kannski næ ég að klára þetta fyrir jól he he.  Gott í bili bæbæ. 

Tónleikar og fleira

Já jæja ég fór á hausttónleikana hjá Skólahljómsveit Kópavogs í gær og var það bara virkilega gaman  en hún Tinna mín æfir með B-sveitinni á saxófón, reyndar tók ég upp B-sveitina að spila og kannski einhverntíman í framtíðinni get ég sett inn smá brot af þessum tónleikum þeirra þ.e.a.s. þegar ég hef einhverntíman öðlast þá þekkingu að geta sett videómyndir inn í tölvuna , en hvað um það þetta voru stórgóðir Tónleikar og voru lög úr öllum áttum spiluð, m.a. spilaði B-sveitin lag úr Harry Potter myndunum sem voru virkilega flott útfærð og C- sveitin spilaði lagið Legend of Zorro sem var alveg meiriháttar flott .  Nú svo í dag var ég búin í skólanum kl. 14:10 þá dreif ég mig heim og gerði eitt stykki hjúkrunarverkefni en síðan ákvað ég að skreppa í Garðheima með skottunum mínum og versla svolítið til jólakortagerða og í jólakúlur sem þær ætla að gera , en einnig fórum við í Föndru og keyptum eitthvað af þrívíddar myndum til að nota í jólakort, þetta verða voða fín jólakort eins og alltaf hjá okkur, ég ætla reyndar helst að vera búin að senda jólakortin í fyrstu viku des. eins og alltaf og líka þarf ég eiginlega að vera búin að baka fyrir næstu mánaðarmót svo ég geti alveg einbeitt mér að prófunum þegar þar að kemur, svei mér þá ef mér er ekki þegar farið að kvíða þessum 2 prófum sem ég þarf að fara í , en það verður bara að harka af sér og vona það besta þ.e.a.s. að ég nái þessum prófum he he, því annars er ég bara í vondum málum .  Nú þegar við mæðgur vorum búnar að versla í Garðheimum og Föndru ákváðum við að fara í Smáralindina og eiga saman sukkdag , eða þannig en þá förum við saman á kaffihús og fáum okkur eitthvað virkilega gott, reyndar skoðuðum við í hinum og þessum verslunum fyrst en fórum svo á kaffi Adesso og þær fengu sér panini og gos og muffins í eftirrétt en ég fékk mér ostapasta með kjúklingabringu og vatnsglas og þetta var virkilega skemmtilegt að sitja þarna saman og borða góðan mat og spjalla en við ákváðum að gera þetta einu sinni í mánuði og er þetta reyndar í þriðja sinn sem við eigum saman góðan sukk dag he he. , fyrst í september, svo í október og svo núna.  Nú annað er svo sem ekkert að frétta annað en það að ég er að fara í þriðja lyfjafræðiprófið næsta fimmtudag en ég er ekkert farin að lesa fyrir það, finnst nóg að byrja á því í næstu viku, reyndar er ég að vinna alla næstu viku en þetta hefst allt einhvernvegin eða ég vona það.  Jæja læt gott heita bæbæ.

Voða dugleg

Jæja þá er nú mánudagurinn runninn upp og enn ein vikan hafin, ég fór vitanlega í skólann í morgun og var fyrsti tíminn hjúkrun verkleg og í dag vorum við að kanna lífsmörk hvor annarrar og uppistaðan var sú að ég er dauð a.m.k. fannst enginn blóðþrýstingur hjá mér he he.  Við áttum sem sagt að mæla öndun, púls og blóðþrýstingin og að mæla hann er nú bara erfiðari en maður heldur, það heyrist svo afskaplega dauft hljóð nema hvað að við unnum saman tvær og tvær og sú sem var með mér byrjaði að leika sjúkling, nú ég mælti öndun og púls loksins þegar ég fann hann en það var nú ekki auðvelt en svo þurfti ég 3-4 tilraunir áður en mér tókst að mæla blóðþrýsting því við vorum með þessa gömlu handpumpu mæla og hlustunarpípur he he bara alvöru græjur.  Nú svo var ég sjúklingurinn og sama sagan endurtók sig, hún mældi öndun hjá mér og púls og gekk henni svona þokkalega að finna púlsinn en svo vandaðist málið, hún heyrði aldrei neitt í hlustunarpípunni þannig að ég er bara ekki lifandi eða þannig, en málið er það að æðarnar liggja svo afskaplega djúpt hjá mér svo það er frekar erfitt að mæla blóðþrýstinginn.   Nú þegar heim var komið skrapp ég aðeins í Smáralindina og keypti mér blek í prentarann og síðan heim aftur og er búin að sitja við saumavélina síðan við að falda og stytta gardínur, sem sagt búin að vera alveg ógeðslega dugleg, faldaði kappana sem eyga að fara í stofuna og stytti þær gardínur sem eru fyrir langa gluggann og einnig stytti ég gardínurnar inni hjá Tinnu en þær eru líka fyrir langna gluggu, faldaði storísinn svo að ég gat sett stöng inn í hann og nú er kominn storís fyrir langa gluggann hjá Tinnu þannig að nú er henni óhætt að draga frá glugganum.  Svo er ég að fara á verklegt líkamsbeitingarnámskeið kl. 18 niðri á gamla Borgó það verður ábyggilega eitthvað fróðlegt. Gott í bili bæbæ.

Helgarlok

Jæja þá er þessi helgin að klárst, það er búið að vera mikið að gera hjá mér (sem er svo sem ekkert nýtt) en ég er búin að vera að vinna alla þessa viku og vitanlega helgina líka, nú svo er ég búin að vera í skólanum og svo bættist á mig núna þessa helgi líkamsbeitingarnámskeið, en á föstudaginn og laugardaginn vorum við í bóklegum tímum og strax eftir fyrsta hálf tímann á laugardaginn var ég nú bara alveg við það að sofna en það námskeið stóð frá kl. 13 - 16 svo í fyrstu pásu dreif ég mig út í bíl og náði í saumadótið mitt og eftir það sat ég og saumaði út og hlustaði á kennarann, nú eins fór með laugardaginn en þá vorum við á námskeiði frá kl. 09 - 12 og ég sat meira og minna og saumaði út í ca. 3 tíma, síðan dreif ég mig heim og skutlaði Tinnu minni niður í Rauðagerði en þar var skjólahljómsveitin í  upptökum en hún er að gefa út CD næsta ár í tilefni stórafmælis síns, nú svo fór ég heim og sótti Fjólu og við skruppum í Sappo en þar var svo sem ekkert spennandi að sjá og svo í Ikea en ég þurfti að kaupa mér gardínustangir og festingar og fleira svo nú er ég búin að kaupa allt til að geta skipt um gardínur í stofunni, nú þarf ég bara að finna mér tíma til að setjast niður við saumavélina til að falda endana á köppunum og stytta síðari gardínurnar, bæði hjá mér og svo í herberginu hennar Tinnu, nú svo verð ég einhvernvegin að plata pabba í heimsókn með borvélina sína he he.  Nú síðan fór ég í Bónus og verslaði pínu og síðan að vinna og ég get svo svarið það þetta var sennilega versta vakt andlega séð sem ég hef unnið, heimilisfólkinu fer sífellt hrakandi og þeir sem eru heilabilaði verða ennþá heilabilaðri og já þetta var bara virkilega erfið vakt andlega séð en ég lifði hana af og mætti aftur í morgun en í dag var aðeins auðveldari vakt eða bara eiginlega fín vakt en svo þarf ég að mæta á morgun í verklega líkamsbeitingu uppi á gamla Borgó frá kl. 18 - 22 þannig að ég varð að skipta út vaktinni minni á morgun og verð því að vinna á þriðjudagskvöldið í staðinn og verð því að sleppa saumó buhu, en svona er þetta, það verður víst ekki á allt kosið.  Nú svo er hún Anna Lísa mín komin aftur heim frá Hveragerði og gekk henni bara alveg frábærlega vel eða það fóru 3 kg., ég er rosalega ánægð með þann árangur hjá henni.  En nú er best að hætta þessu bulli og fara að snúa mér að matseldinni. bæbæ.

Jæja

Jæja ætli sé ekki best að koma hérna inn og segja eitthvað, annars hef ég eiginlega ekki frá neinu að setja núna annað en það að það er kominn nýr mánuður og óðum að styttast í jólin eða þannig, maður gæti a.m.k. haldið það miðað við hvað kaupmenn er snemma komnir með jólavörurnar, ekki þar fyrir utan að það er alltaf gaman að skoða jóladót en mér finnst þetta allt of snemmt að koma með það í verslanir í október, í lagi svona um miðjan nóv. helst ekki fyrr.  En hvað um það, það er búið að vera svo sem nóg að gera hjá mér í skóla og vinnu en þetta er vinnuvikan mín en núna eru búnar 4 vaktir og 4 eftir sem sagt hálfnuð og svo í dag er ég að fara á líkamsbeitingarnámskeið en það er í dag og á morgun en það eru bóklegu tímarnir og svo verður eitt kvöld í næstu viku en þá verður verklegur tími, eitthvað fróðlegt að vera á því .  Þannig að dagurinn í dag er þannig að ég mæti í skólann kl. 11:40 til 12:40, mæti síðan á námskeiðið kl. 13 - 16 og svo beint í vinnu til 23:30 ekki mikil viðvera heimahjá mér í dag, sem er svo sem allt í lagi mín vegna en dætur mínar ekki alveg nógu sáttar en vita að þetta er nú bara tímabundið en eru þær svo duglegar að bjarga sér þessar skottur .  Nú annars er Fjóla bara mjög ánægð í vinnunni og var að fá sín fyrstu laun í gær sem var um 16000 kr. sem hún var bara alsæl með en það var fyrir ca. 20 tíma vinnu, gæti orðið eitthvað meira um næstu mánaðarmót.  Tinna ekki alveg nógu sátt við þetta hún vill líka fara að vinna á Subway og fá meiri pening og þurfa ekki að vakna til að bera út blaðið , ég sagði að hún yrði þá bara að tala við verslunarstjórann hjá Fjólu og vita hvenær hún getur tekið hana í vinnu he he .  En nú læt ég gott heita ætla að fara að reyna eiga við Exel verkefni hérna í tölvunni í sambandi við UTN tímana .  Bæbæ.

Það er nú það

Jæja þá er ég orðin árinu eldri en ég var í gær (fyrradag) eða þannig, reyndar er afmælisdagurinn minn liðin þegar ég sest loksins niður við tölvuna en ég var vitanlega að vinna eins og venjulega á mánudögum, annars gerðist svo sem ekkert merkilegt í dag nema hvað ég fór í próf í UTN, það var próf í PowerPoint hlutanum og gekk mér bara nokkuð vel held ég, eini gallinn við þetta að þegar ég byrja þá flýgur tíminn svo hratt að ég var eiginlega að renna út á tíma, en þetta hafðist allt saman, smá byrjunarörðugleikar en svo kom þetta allt saman og mér tókst að skila á réttum tíma.  Nú svo fór ég með brauðtertuna í vinnuna sem ég hafði skreitt í gærkveldi og smakkaðist hún bara alveg ljómandi vel heyrðist mér á öllum sem fengu sér af henni, meira segja var hún það vel útilátin að næturvaktin fékk líka, ég mætti reyndar frekar snemma í vinnuna í dag svo að morgunvaktin fengi nú aðeins að smakka hana líka og voru þær mjög ánægðar með það.  Nú vaktin var bara fín, róleg og góð eins og flesta daga.  Já svo er hún Anna Lísa mín komin austur í Hveragerði og verður þar í viku en þetta er seinni innlögnin á NFLÍ og það verður gaman að fylgjast með henni hvernig gengur þessa vikuna, ég vona bara svo innilega að allt gangi vel hjá henni, hún var og er orðin svo dugleg að taka sig á og ég og fleiri vorum farin að taka eftir því hvað hún er farin að renna svo að nú vona ég bara að hún taki á honum stóra sínum og nái af sér a.m.k. 2-3 kg. eða það má a.m.k. vona það.  Sendi henni hér með baráttukveðjur og stattu þig svo stelpa eða þannig.  Jæja best að hætta þessu bulli og koma sér í háttinn, held að það sé komið eitthvað svefnrugl í mig.  Læt gott heita í bili bæb.

Góður dagur

Já dagurinn í dag var bara virkilega góður en ég var að halda upp á 45 ára afmælið mitt, reyndar verð ég ekki 45 fyrr en á morgun en það er bara allt í fína, ég var með kaffisamsæti fyrir fjölskylduna og mína nánustu vini og komu flest allir sem ég hafði nefnt þetta við eða allt svo pabbi og mamma, Heiða systir og hennar fjölskylda, Steinar bróðir og frú og þeirra dóttir, nú svo kom Hildur vinkona og hennar sonur og unnusti Ragnheiður vinkona og hennar unnusti og sonur hennar, svo kom vitanlega Svava vinkona og dætur hennar tvær og svo vitanlega Anna Lísa, Fjóla, Tinna og Kiddi voru öll þarna líka þannig að þetta var bara virkilega skemmtilegur dagur, ég fékk vitanlega margt skemmtilegt m.a. nóvemberkaktus frá bróður mínum en hann þrjóskast enn við að gefa mér lifandi blóm vitandi að mér er ekkert að ganga að halda þeim lifandi en kannski tekst það núna þetta er jú kaktus og þeir eiga víst að lifa af eyðimerkustorma he he, nú svo fékk ég voðalega flottann spegil frá syni mínum, og tvær styttur í jólasveinasafnið mitt en það var Skyrgámur frá Svövu og Grýlu frá Raghneiði og co., nú svo fékk ég gardínur í stofuna frá foreldrum mínum, body lotion og body spray frá systur minni og co og fl.  Nú ég var vitanlega búin að baka heilmikið og eitthvað er nú eftir að gúmmelaðinu en það er allt í lagi, það klárast örugglega á næstu dögum, nú svo bjó ég til brauðtertu til að fara með í vinnuna annað kvöld, vona bara að hún smakkist vel og verði etin upp til agna.  Nú annars er bara allt gott að frétta héðan, var reyndar á aukavakt sl. nótt, Anna mín var eitthvað slöpp og hafði víst hringt sig inn veika svo ég tók vaktina sem var bara fínt var með Brynhildi á vakt og hún er alltaf hress og gott að vinna með henni, reyndar var nóttin róleg svo maður gat aðeins unnið í heimanáminu og saumað eitthvað út.  En svo er ég að byrja á minni vaktaviku á morgun þannig að nú vinn ég næstu 8 daga í streit en það er allt í lagi.  Jæja læt gott heita bæbæ.

 

Snjór og rigning

Já það er ekki ofsögum sagt að þetta blessaða veður hér á landi er furðulegt, í gærkvöldi þegar ég var að fara heim  úr vinnu um miðnætti snjóaði og þegar ég kom hérna á Álfhólsveginn var bara alhvít jörð nú svo í morgun þegar ég vaknaði þá var komin úrhellisrigning og er enn. Reyndar fékk ég að sofa til kl. 9 í morgun því að skotturnar eru í vetrarfríi frá skólanum í dag og á morgun og svo er starfsdagur hjá þeim á mánudag eða réttara sagt kennurum svo þá eru þær í fríi líka og ég átti ekki að mæta fyrr en 10:35 í skólann svo að maður svaf bara sem fastast til 9.  En annars er allt gott að frétta, dagarnir fljúga áfram hérna svo hratt að maður nær ekki að vera með.  Ég hef verið að leita mér að kettlingi en svo frétti ég að læðan sem átti Grímu er kettlingafull svo Tinna hringdi í eiganda hennar í gær til að fá betri fréttir af þessu og hann sagðist reyndar ekkert vita hvenær hún ætti að eiga en það yrði fyrir jól, lofaði að láta okkur vita þegar hún væri búin að gjóta og að við gætum fengið kettling, komið að skoða fljótlega eftir að hún væri búin svo ég er ákveðin í að bíða eftir því vegna þess að Gríma var einstaklega skemmtilegur karakter og ég vonast til að fá svipaðan kettling og hún var þó að hún verði ekki eins þá veit ég a.m.k. hvað ég fæ, sem sagt frábæra kisu svo er bara vonast til að kisan eignist eitthvað af læðum he he.  Jæja verð víst að fara snúa mér að lærdómnum, er svo að fara á aukavakt sem stubbur (5 - 10 vakt) á eftir svo gott í bili bæb.

Kattholt

Ja það er lítið að frétta frá því síðast nema hvað ég skrapp í Kattholt í dag þar sem við mæðgur erum að spá í að fá okkur aðra kisu, nema hvað að ég hafði það á tilfinningunni á meðan á heimsókninni í Kattholti stóð að forstöðumanneskjan sem rekur staðinn vildi helst ekkert láta okkur fá kisu, fyrir það fyrsta þá var hún ekkert að sinna okkur þegar við komum á staðinn, sat bara og talaði í símann og síðan var hún eitthvað að skoða pappíra og fleira nú að lokum spurði hún okkur hvort að við værum komin til að skoða kisur og við játtum því, þá rétti hún mér blað sem var formlega skýrsla varðandi ættleiðingu kisu úr Kattholti og var þetta skýrsla upp á 3 síður sem ég þurfti að fylla út og þvílíkt magn af spurningum sem þurfti að svar, jæja allt í lagi með það, nú svo spyr hún hvort að ég sé að leita að einhvejru sérstöku og ég segi að ég vilji helst unga læðu ca. 2 - 3 mán., þá segir hún að hún sé bara með eina gráa og hvíta sem sé 3 mán., og hún skuli sýna mér hana, ég spyr þá hvort að hún hafi ekki fleiri og var hún afskaplega treg til að sýna okkur hvað hún var með, en að lokum hleypir hún okkur inn í herbergi sem var fullt af kisum, bæði í búrum og svo var varla þverfótandi fyrir þeim um allt gólf, allt í lagi  með það nema hvað hún vill helst ekki að við séum neitt að skoða þær að ráði, bendir okkur á þessa litlu gráu og hvítu og segir að hún sé það eina sem hún hafi núna, hinar tvær sem voru í sama búri sé búið að gefa, við spurjum hvort við megum aðeins halda á henni og leyfir hún það þó frekar treglega og eiginlega tók hana af okkur strax aftur, segir svo að ef við séum að spá í hana þá getum við ekki fengið hana fyrr en á morgun því að hún þurfi að láta dýralækni líta á hana því að ein af kisunum í búrinu hafi eitthvað verið að hnerra og til öryggis þurfi sennilega að bólusetja hana.  Við ákváðum ekkert þarna en báðum samt um að láta taka hana frá til morguns og ég verði þá komin um 2 leytið ef af verður.  Er heim var komið vorum við eiginlega búnar að ákveða að taka hana ekki, mér fannst hún virka eldri heldur en konan sagði og bara viðmótið þarna var eitthvað svo leiðinlegt að mínu mati.  Svo fréttum við reyndar af því að mamma Grímu væri kettlingafull og færi að gjóta svo ég ætla að tala við eiganda hennar í vikunni eða á mánudaginn og vita hvenær hún eigi að eiga þá viljum við gjarnan fá kettling frá honum aftur, sérstaklega þar sem Gríma var svo skemmtilegur karakter.   Annað er svo sem ekki að frétta nema hvað ég fékk úr lyfjafræðiprófinu í dag og fékk ég 6,5 úr því og var bara ánægð með það þar sem mér var ekkert að ganga allt of vel í því. Gott í bili bæbæ.